OmegaT.md

Istruzzioni per impiegà OmegaT per a traduzzione di PDFsam

Per fà una traduzzione, l'appiecazione OmegaT hà bisognu di schedarii di fonte cù una lingua sfarente di quella di destinazione. Di regula, a lingua di fonte hè l’inglese è quella di destinazione hè u corsu. D’altronde tutte e memorie di traduzzione pruviste nant’à stu situ sò in u sensu da l’inglese ver di u corsu.

Eccu l’istruzzioni per scaricà l’ultima versione di i schedarii di traduzzione è appruntalli per un trattamentu cù l’appiecazione OmegaT.

Scaricamentu di u schedariu à traduce

• Si pò scaricà u schedariu in lingua corsa da quì :
  https://translations.launchpad.net/pdfsam/pdfsam-v3/+pots/pdfsam/co/+translate
• St’azzione currisponde à st’indirizzu :
  https://translations.launchpad.net/pdfsam/pdfsam-v3/+pots/pdfsam/co/+export

Preparazione di u schedariu nanzu a traduzzione

• Lancià Poedit
• Sceglie l’ozzione Schedariu > Apre… o selezziunà l’azzione Navigazione nant’à u screnu di benvenuta
• Selezziunà u schedariu .po scaricatu
• Selezziunà tutte e catene cù a cumanda Ctrl-A o cù l’ozzione Mudificà > Tuttu selezziunà
• Viutà u cuntenutu di e catene cù a cumanda Ctrl-K o cù l’ozzione Mudificà > Viutà a traduzzione
• Arregistrà u schedariu cù u listessu nome : omegat_PDFsam-en.po

Copia di u schedariu di lingua inglese

• Cupià o dispiazzà stu schedariu in u cartulare source di u prughjettu PDFsam in OmegaT.

Ozzione o preferenze particulare à definisce in OmegaT

• Lancià l’appiecazione OmegaT
• Sceglie Ozzioni eppò Filtri di schedariu…
  • Verificà chì u furmatu PO hè attivatu.
  • Verificà l’ozzioni di u furmatu PO :
    • Permette e traduzzioni viote in i schedarii tradutti
    • Permette a traduzzione di i segmenti d’origine vioti
    • Ignurà l’intestatura di i schedarii PO
    • Rimpiazzà autumaticamente « {nplurals=INTEGER; &plural=EXPRESSION;} » in l’intestatura
Furmatu : ⚫ Classicu ⚪ Monolinguale

Traduzzione in lingua corsa

• Lancià l’appiecazione OmegaT è apre u prughjettu PDFsam per traducelu.

Preparazione di u schedariu dopu a traduzzione

✔️ Ùn ci hè alcunu approntu à fà à u schedariu di lingua corsa.

Incaricamentu di u schedariu di lingua corsa

• U schedariu traduttu in lingua corsa da OmegaT si trova in u cartulare target
• Ci vole à impiegà Launchpad per impurtacci u schedariu di traduzzione traduttu cù l’azzione Upload translation