Skip to content

Latest commit

 

History

History
82 lines (52 loc) · 5.32 KB

Traduzzione.md

File metadata and controls

82 lines (52 loc) · 5.32 KB
Raw

A traduzzione in lingua corsa di VeraCrypt

Distribuzione

Traduttore

  • Patriccollu di Santa Maria è Sichè

Pagina officiale di u situ web nant’à a traduzzione

À st’ora, ùn ci hè alcuna pagina ufficiale per spiegà cumu fà a traduzzione.

Ciò ch’ella ci vole per traduce

  • Richiestu
    • Un contu nant’à GitHub
  • Ricumandatu
    • OmegaT, prugramma per traduce i schedarii cù l’estensioni .xml
    • Notepad++, prugramma per mudificà un testu, paragunà duie versioni di testu, o trasfurmà u cuntenutu cù una prucedura pre-arregistrata
    • Thunderbird, prugramma di messaghjeria chì permette d’urganizà tutti i vostri messaghji è indirizzi elettronichi in una interfaccia unica, ma soprattuttu d’abbunassi à i flussi d’attualità di GitHub
    • I prugrammi Notepad++ è OmegaT sò stati tradutti è ponu esse impiegati in lingua corsa

U schedariu di lingua à traduce

  • U furmatu di schedariu : .xml

Situ officiale di traduzzione

À st’ora, ùn ci hè micca situ officiale di traduzzione. Ci ne hè unu, quantunque, nant’à Transifex per quelli chì ci volenu piazzà e so traduzzioni.

Siti di sviluppu

U dipositu di tutta a fonte di VeraCrypt si trova quì :
https://veracrypt.fr/code/VeraCrypt/

Ci hè dinù una copia nant’à sti siti :

Si pò fighjà i schedarii di lingua di a versione attuale di VeraCrypt nant’à Windows in u cartulare /Translations/.

Cumu sapè quandu ci hè qualcosa di novu à traduce ?

Trà duie versioni, a squadra di VeraCrypt pò mudificà e catene di fonte nant’à GitHub aghjunghjendu catene nove, mudifichendu o squassendu catene anziane. Quandu st’operazione si face, ùn hè micca pussibule di riceve autumaticamente un messaghju elettronicu, cum’è per indettu, via un’iscrizzione à una lista di distribuzione.

Ci hè una funzione in GitHub per cunnosce tutte e mudificazioni fatte (commits) nant’à a fonte d’origine :
https://github.com/veracrypt/VeraCrypt/commits/master/src/Common/Language.xml

Un cliccu nant’à ogni mudificazione vi permette di fighjà tutte e sfarenze trà duie versioni : e linee squassate, cambiate o aghjunte. Ma qu’ella operazione hè manuale.

Per furtuna, ci hè una funzione in GitHub chì permette d’ingenerà un flussu di nutizie Atom secondu l’attività di GitHub, per indettu quand’un schedariu hè mudificatu. È si pò riceve un avvertimentu in Thunderbird quandu quellu flussu hè ingeneratu.

I flussi Atom

Eccu u flussu à cuttighjà ch’ella ci vole à definisce in Thunderbird grazia à un abbunamentu :

Per sapene di più, fighjate l’istruzzioni per impiegà un flussu di GitHub è riceve l’infurmazione nant’à Thunderbird.

Cumu fà a traduzzione ?

  • VeraCrypt ùn prupone alcuna appiecazione - nè lucale, nè nant’à u Web - per fà a traduzzione

  • Per fà què, hè ricummandatu d’impiegà OmegaT perchè hè capace di mudificà u furmatu di schedariu .xml. Per sapene di più, seguitate l’istruzzioni per l’adopru di l’appiecazione OmegaT

Istruzzioni per piglià in contu u novu schedariu di lingua corsa

Quandu u vostru schedariu di lingua corsa hè prontu nant’à u vostru urdinatore, ci vole à impiegà GitHub per pigliallu in contu, vole si dì dumandà a mudificazione di a versione attuale di u schedariu di destinazione per ch’ella sia rimpiazzata da a vostra versione lucale.

Per cunnosce a seguita di a prucedura, si pò fighjà l'istruzzioni simile chì si trovanu in Notepad++.

Liami di navigazione nant’à stu situ