網站建議：保留已結業店舖資料

[digimon04]

好高興有團隊接手黃藍地圖, 令仍然堅持嘅人可以搵到想要嘅資訊, 也令黃店們不致孤軍作戰

有一點建議就係希望唔好刪除網頁上已結業店舖資料, 僅標題加上(已結業)作識別, 與香港編年史, MEE做法一致

因為已結業黃店藍店將來有機會重開, 有啲人可能只係依稀記得個名, 如果搵唔返舊資料就無法確定到熟黃熟藍

仲有, 如果一結業就刪除資料, 好似唔太尊重黃店過去嘅付出, 有人走茶涼感覺

[hkgaajau]

多謝你嘅意見呀

呢度係跟以前終極黃藍地圖嘅做法，即係除名/結業後就會喺地圖度移除

但其實舊有嘅資料係仲可以搵得返，例如早幾日清咗一啲已結業嘅食肆，去github度係可以搵得返刪除之前嘅資料

係唔方便同埋需要啲技巧，但暫時一路以嚟嘅改動都係有記綠低晒，如有需要係可以搵得返

至於你話加(已結業)個建議會牽涉喺地圖度點處理嘅問題同埋之前刪除咗嘅係咪要全部加過入去，改動會幾大，人手不足嘅情況下都係要等有心人幫手整...

[digimon04]

多謝你嘅意見呀

呢度係跟以前終極黃藍地圖嘅做法，即係除名/結業後就會喺地圖度移除

但其實舊有嘅資料係仲可以搵得返，例如早幾日清咗一啲已結業嘅食肆，去github度係可以搵得返刪除之前嘅資料

係唔方便同埋需要啲技巧，但暫時一路以嚟嘅改動都係有記綠低晒，如有需要係可以搵得返

至於你話加(已結業)個建議會牽涉喺地圖度點處理嘅問題同埋之前刪除咗嘅係咪要全部加過入去，改動會幾大，人手不足嘅情況下都係要等有心人幫手整...

就以changelog中「吃什麼 東區」為例, changelog中有, 但github就搵唔到 (當初我仲以為中環吃什麼結業, 搵佢哋fb見到仲做緊)

其實已結業店舖只需於 mirror site[搜尋店舖]中搜尋到對應店鋪資料頁面便可, 地圖入面唔需要顯示, 呢個亦係MEE嘅做法
人手方面, 可劃線由下次變動開始落實, 之前刪除嗰啲將來有時間先處理返